Інспекцыя Дэпартамента кантролю і нагляду за будаўніцтвам па Гродзенскай вобласці 17 верасня 2025 г. у Дзень народнага адзінства ўсклала кветкі да брацкай магілы савецкіх воінаў і партызан у парку Жылібера г. Гродна.

Летам 1944 года, пасля вызвалення Гродна ад нямецка-фашысцкіх захопнікаў, у будынку па вуліцы Акадэмічнай, 10 размяшчаўся адзін са шпіталяў Савецкага войска. Памерлых ад ран салдат і афіцэраў хавалі на тэрыторыі гарадскога парка. Пасля астанкі воінаў з адзіночных магіл, якія знаходзіліся ў парку, былі перанесены ў адну вялікую брацкую магілу.

У Брацкай магіле пахавана 40 вайскоўцаў, 3 партызаны і 1 падпольшчыца. Сярод пахаваных у Брацкай магіле ‒ Героі Савецкага Саюза капітаны Юрый Іўліеў і Вольга Санфірава, падпольшчыца Вольга Соламава, Іўліеў Юрый Дзмітрыевіч

У 1949 годзе на Брацкай магіле савецкіх воінаў і партызан быў устаноўлены помнік, які ўяўляе сабой скульптуру воіна са сцягам і абеліск. Помнік аздоблены гранітам, над абеліскам устаноўлена пяціканцовая залатая зорка, а гіпсавая скульптура савецкага воіна з баявым сцягам у руках пакрыта меддзю. Таксама каля помніка запалены Вечны агонь.

Надпісы на помніку: «Подзьвіг ваш несьмяротны, памяць пра вас вечная». «За гады Вялікай Айчыннай вайны ў горадзе Гродна ахвярамі фашызму сталі больш за 50 тысяч чалавек». «Подзьвіг гарадзенцаў, якія аддалі сваю жыцьцё за вызваленьне айчыны, назаўсёды застанецца ў памяці ўдзячных нашчадкаў».

Калектыў інспекцыі, як удзячныя нашчадкі воінаў, якія загінулі за вызваленне г.Гродна і заходняй Беларусі ў цэлым, ніколі не забудуць пра подзвіг нашага народа.

Памяць жыве ў нашых сэрцах!